Լրահոս

08.10.2012 10:02


Միասեռականների մասին ֆիլմի ցուցադրությունը Հայաստանում աղմուկ է առաջացրել

Միասեռականների մասին ֆիլմի ցուցադրությունը Հայաստանում աղմուկ է առաջացրել

Գերմանիայի դեսպանությունը և ԵՄ պատվիրակությունը Հայաստանում կազմակերպել են «Parada» ֆիլմի ցուցադրությունների շարք։ Այն սերբական դրամա է, որն արծարծում է Սերբիայում միասեռականների իրավունքների նուրբ խնդիրը: Ֆիլմի առանցքային թեման Բելգրադում միասեռականների հպարտության շքերթ կազմակերպելու երկրորդ փորձն է այն բանից հետո, երբ առաջինը 2001թ. ավարտվել էր բռնությամբ: Ֆիլմի ցուցադրությունը կազմակերպիչները պայմանվորում են Հայաստանում մարդու իրավունքների կարևորության գիտակցության ամրապնդմամբ։

Այս նախաձեռնությունը, սակայն, բողոքի ալիք է բարձարցրել հայաստանյան հանրության շրջանում։ Եվ վրդովվելու պատճառը ոչ միայն բուն ֆիլմի ցուցադրությունն է, այլ վայրը, որտեղ այն ցուցադրվելու է՝ Երևանի Հ. Թումանյանի անվան պետական տիկնիկային թատրոնում, հոկտեմբերի 15-ին և 16-ին` ժամը 20.00-ին։

Մասնավորապես «Ֆեյսբուք» սոցիալական ցանցում օգտատերերը կոչ են անում բոյկոտել և կանգնել դռան դիմաց ու թույլ չտալ մարդկանց ներս մտնել։

«Սրանցից պրծում չկա, ամեն 2 ամիսը մեկ պետքա միհատ հիշացնեն իրանց մասին», «Չէէէէ, էս եվրոպացիները որոշել են լրիվ մեզ բարոյազրկեն»,–բողոքում են օգտատերերը։

7or.am

Այս խորագրի վերջին նյութերը