Ճարտարապետների միության նախագահ Մկրտիչ Մինասյանն այսօր հրավիրված ասուլիսում անդրադարձել է ԱԳՆ–ի շենքի վաճառքին և ընդգծել՝ թեև ասում են, որ դրա արտաքին տեսքը որևէ փոփոխության չի ենթարկվելու, բայց ինքը չի պատկերացնում, թե հյուրանոցի վերածվելու դեպքում ինչպե՞ս պետք է արտաքին տեսքը փոփոխության չենթարկվի։

Ճարտարապետների միության նախագահը մտահոգված է նաև, որ շենքի վաճառքի հարցը չի քննարկվել, կա՞ արդյոք մշակույթի նախարարության հետ կնքած պայմանագիր և այլն։

–Եթե չկա, ուրեմն սեփականատերը ինչ ուզի, կարող է անել,-ասել է Մ. Մինասյանը:

Ինչ վերաբերում է «Մեր հանճարները մեր կողքին են» նախագծին, ապա  նրա կարծիքով՝ այդ քանդակներն արվել են գեղարվեստական ցածր մակարդակով, որոք միայն որպես էսքիզ կարող էին օգտագործվել.

–Ասում են, թե պատվերը նմա՛ն ձևով է իջեցված։ Դե, ուրեմն չպե՛տք է նման պատվեր լիներ։

«Հին Երևան» նախագիծն էլ, ըստ նրա, Հին Երևանը չէ, Հին Երևանի նմանակում է.

–Իսկական Երևանը Թամանյանի և նրա հետնորդների կառուցած Երևանն է: Վտանգն այնտեղ է, որ մոտենում ենք այդ քաղաքը քանդելուն:

7or.am