Այսօր Ադրբեջան այցելած Թուրքիայի վարչապետ Ռեջեբ Էրդողանն անդրադարձել է թուրք-ադրբեջանական տնտեսական կապերին.

–Վերջին 10 տարիներին Թուրքիայի ու Ադրբեջանի միջև ապրանքաշրջանառության ծավալն աճել է 10 անգամ: Երկու երկրները մտադիր են առաջիկա 5 տարիների ընթացքում այն հասցնել մինչև 10 մլրդ դոլարի: Մինչև ընթացիկ տարեվերջ մենք մտադիր ենք ապրանքաշրջանառության ծավալը հասցնել մինչև 4 մլրդ դոլարի:

Ինչպես տեղեկացնում է թուրքական «Աքսամ» թերթը, Էրդողանն Ադրբեջան է ժամանել Տնտեսական համագործակցության կազմակերպության կոնֆերանսին մասնակցելու համար: Էրդողանի խոսքերով՝ Ադրբեջան իր այցի ուշադրության կենտրոնում է լինելու «Անդրանատոլիական» գազատարի (TANAP) հարցը, ինչպես նաև էներգետիկ այլ հարցեր: