Վրաստանի խորհրդարանական ընտրություններում հաղթած «Վրացական երազանք» դաշինքի առաջնորդ  Բիձինա Իվանիշվիլին այսօր տեղի ունեցած ճեպազրույցի ժամանակ հայտարարել է, որ Վրաստանը պետք է մասնակցի 2014 թվականին Սոչիում կայանալիք Ձմեռային օլիմպիական խաղերին։ Այս մասին տեղեկացնում  է «Новости-Грузия»-ն։

–Վրաստանը պետք է մասնակցի օլիմպիական խաղերին և որպես հարևան՝ պետք է անի ամեն ինչ, որպեսզի օլիմպիական խաղերն անցնեն խաղաղ և առանց միջադեպերի,– ասել է Իվանիշվիլին:

Նշենք, որ 2008 թվականի ռուս-վրացական օգոստոսյան պատերազմից հետո Վրաստանի քաղաքական շրջանակներում բազմիցս քննարկվել է այն հարցը, թե ինչպես իրեն կպահի Թբիլիսին Սոչիի օլիմպիական խաղերի վերաբերյալ։ Նշվում էր, որ, հնարավոր է, Վրաստանը նույնիսկ բոյկոտի խաղերը: