Իրանական նավթ արտադրող մասնավոր ընկերությունները մտադիր են դիմել միջազգային դատարաններ՝ Եվրոպական Միության դեմ հայց ներկայացնելու նպատակով։ Նրանք բողոքում են ԵՄ–ի, ըստ իրենց, ապօրինի պատժամիջոցների դեմ։ Այս մասին գրում է «Թեհրան թայմս»-ը:

Պարբերականը գրում է, որ ԵՄ-ի պատժամիջոցների ցուցակում ընդգրկված ընկերություններից մի քանիսը աշխատում էին արտասահմանի հետ և «հսկայական» եկամուտներ են ունեցել, ուստի և ուղիներ են որոնում իրենց գործունեությունը շարունակելու և հարցը միջազգային դատարանների միջոցով լուծելու համար:

Հիշեցնենք, որ երկուշաբթի ԵՄ-ն նոր՝ խստագույն պատժամիջոցներ էր սահմանել Իրանի դեմ, որն այդ երկրի իշխանությունները որակել էին «անմարդկային»: