Վրաստանի Կենտրոնական ընտրական հանձնաժողովը հրապարակել է հոկտեմբերի 1-ին անցկացված խորհրդարանական ընտրությունների վերջնական արդյունքները: Ամփոփվել են Վրաստանի բոլոր 73 ընտրատեղամասերի վերջնական արդյունքները:

Ընտրական արգելքը հաղթահարել են միայն «Վրացական երազանք» դաշինքը և «Միացյալ ազգային շարժում»-ը: Բիձինա Իվանիշվիլիի ղեկավարած քաղաքական ուժը Վրաստանի խորհրդարանում ներկայացված կլինի 85 պատգամավորով, իսկ նախագահ Միխայիլ Սահակաշվիլիի «Միացյալ ազգային շարժումը»՝ 65 պատգամավորով:

Նոր խորհրդարանի առաջին նիստը կկայանա հոկտեմբերի 21-ին: Բացումը կկատարի Վրաստանի նախագահ Միխայիլ Սահակաշվիլին: