ԱՄՆ նախագահ Բարաք Օբաման նախագահական ընտրություններում իր մրցակից Միթ Ռոմնիին նոր «ախտորոշում» է տվել` «ռոմնեզիա»: Որո՞նք են այդ հիվանդության ախտանիշները. հիշողության կորուստ և իր հայացքներն արագ փոխելու ձգտում:

Օբամայի կողմնակիցները նրա խոսքերն ընդունել են ծիծաղով և ծափահարություններով` համաձայնելով, որ այդ հիվանդությամբ տառապող մարդը հազիվ թե կարողանա կատարել երկրի ղեկավարի պարտականությունները:

Ըստ հարցումների` ներկայումս նախագահի թեկնածուներին աջակցում են հավասար թվով ամերիկացիներ, սակայն Օբաման առաջատար է այսպես կոչված վիճելի նահանգների մեծ մասում, որտեղ շատ են չկողմնորոշված ընտրողները, որոնց դիրքորոշումից էլ մեծապես կախված կլինի նոյեմբերի 6-ի ընտրությունների ելքը: