Ձայների 65 կողմ, 7 դեմ, 25 ձեռնպահ հարաբերակցությամբ ԱԺ-ում ընդունվեց «Նվազագույն աշխատավարձի մասին» օրենքում փոփոխություն կատարելու օրենքի նախագիծը: Նշենք, որ ըստ այս նախագծի՝ նվազագույն աշխատավարձը կավելանա 2500 դրամով և կկազմի 35 հազ. դրամ։

Մինչև քվեարկությունը ԱԺ ԲՀԿ խմբակցության քարտուղար Նաիրա Զոհրաբյանը հայտնեց, որ ԲՀԿ-ն ձեռնպահ է քվեարկելու: ԱԺ ՀԱԿ խմբակցության ղեկավար Լևոն Զուրաբյանն էլ բոլորին կոչ արեց դեմ քվեարկել օրենքի նախագծին և աջակցել ՀԱԿ-ի նախաձեռնությանը, որը նվազագույն աշխատավարձը սահմանում է 72,5 հազ. դրամ: