«Մայքրոսոֆթ» կորպորացիան ամբողջ աշխարհով վաճառքի է հանում իր նոր օպերացիոն համակարգը` «Windows 8»-ը։ 37 տարբեր լեզուներով նոր համակարգի վաճառքը կսկսվի միաժամանակ 140 շուկաներում: Այս մասին գրում է «Բի–Բի–Սի»–ն։

Այդ համակարգը հիմնականում համապատասխանում է ժամանակակից միտումներին, երբ օգտատերերը համակարգիչներից անցնում են մոբայլ սարքերի և սմարթֆոնների՝ սենսորային նոր տեխնոլոգիաների օգտագործմամբ։ Վերջին հանգամանքն էլ, շատ փորձագետների կարծիքով, կարող է բացասաբար ազդել նոր համակարգի վաճառքի ծավալների վրա։ Համակարգիչ օգտոգրծող ավելի քան մեկ միլիարդ մարդկանցից շատերը պահպանողական են այս առումով և համակարգչային ստեղնաշարն ու «մկնիկը» մեծ դժվարությամբ  կփոխարինեն սենսորով։