Ուկրաինայում հաշվել են նախօրեին կայացած խորհրդարանական ընտրությունների քվեաթերթիկների ավելի քան 20%-ը։ Այս մասին տեղեկացնում է ուկրաինական «Корреспондент.net»-ը։

Ըստ այդմ՝ առաջատարն իշխող «Ռեգիոնների կուսակցությունն» է, ով այս պահի դրությամբ ստացել է ձայների 37,57%-ը։ Նախկին վարչապետ, ազատազրկված Յուլիա Տիմոշենկոյի «Բատկիվշինա» կուսակցությունն ստացել է ձայների 20,6%-ը։

Բացի այդ, ամենայն հավանականությամբ` Ռադայում կլինեն նաև մինչ այս պահը 15,54% ստացած Կոմունիստական կուցակցությունը, ինչպես նաև Վիտալի Կլիչկոյի «ՈՒԴԱՌ»-ը՝ 12,34%, «Ազատություն» կուսակցությունը՝ 7,06%։