Թուրքական  «Այքքիրիդոգրուլար»  կայքի փոխանցմամբ՝ Թուրքիայի մշակույթի և զբոսաշրջության նախարարությունն արձագանքել է Սիրթ (Սղերթ) նահանգի Էրուհ շրջանի Խերթ գյուղի մոտակայքում հուլիսին տարված ճանապարհաշինարարական աշխատանքների ժամանակ հայկական գերեզմանատան ավերմանը։ Հիշեցնենք, որ այդ աշխատանքների  ժամանակ  ցաքուցրիվ էին  արվել այնտեղ թաղված մարդկանց ոսկորները:

Նախարարությունը հանգել է այն եզրակացության, որ հայկական գերեզմանատունն իրենից «որևէ արժեք չի ներկայացրել»: Նախարարությունը հայտարարել է, որ հայկական գերեզմանատունը չի հետաքրքրում իրենց, քանի որ այն  մշակութային անշարժ կոթող «չի հանդիսանում»: