Հալեպից 23 կմ հեռավորության վրա գտնվող Նեբուլա և Ալ-Զահրա քաղաքները գլխացավանք են դարձել ընդդիմադիր «Ազատ բանակի» համար։ Դեպի հյուսիս տանող մայրուղու երկայնքով տեղադրված այդ երկու քաղաքները լրջորեն խանգարում են ապստամբների ծրագրերին: Այստեղ մարդիկ սատարում են իշխանությանը, ինչը, մեղմ ասած, նրանց նյարդայնացնում է:

Քաղաքներում զինվորականներ չկան: Շուրջ 150 տեղացիներ պաշտպանում են իրենց քաղաքները: Դիմադրությունը կոտրելու բազում փորձեր են արվել: Այս ամբողջ ընթացքում սպանվել է 60, առևանգվել՝ 140 մարդ:

Նեբուլա քաղաքը համարվում էր առևտրի կենտրոն ամբողջ տարածաշրջանի համար: Քաղաքը կես տարի է, ինչ գտնվում է շրջափակման մեջ: Խանութներում չի մնացել սնունդ, դեղորայք, հիգիենայի պարագաներ: Միակ աջակցությունը Հալեպից ստացվող հումանիտար օգնությունն է: Բանակը չունի ժամանակ և միջոցներ, որպեսզի վերահսկի երկու կառավարամետ քաղաքները, քանի որ բոլոր ուժերը կենտրոնացված են Հալեպի վրա:

Ամեն ամիս այստեղ քաղացից  երկու-երեք մարդ է մահանում, չկան էլեկտրականություն, գազ, դիզելային գեներատորների համար վառելիքը գրեթե վերջացրել է, իսկ լցակայանները փակ են: