ԱՄՆ նախագահ Բարաք Օբաման իր մրցակից Միթ Ռոմնիին համարում է Ջորջ Բուշ կրտսերի ավերիչ քաղաքականության շարունակողը: Այս մասին տեղեկացնում է «CNN»-ը։

«Ուղին, որն առաջարկում է նահանգապետ Ռոմնին, նույնն է, որով մենք փորձում էինք գնալ ութ տարի այն բանից հետո, երբ նախագահ Քլինթոնը հեռացավ իր պաշտոնից: Այս փիլիսոփայությունը խոսում է այն մասին, որ նրանք, ովքեր գտնվում են ամենավերևում, կարող են խաղալ այլ օրենքներով` ի տարբերություն բոլոր մնացածների: Հարկային մեծ արտոնություններ հարուստների համար, որոնք մենք չենք կարող մեզ թույլ տալ: Օգնություն ընկերություններին, որոնք աշխատողներ են ուղարկում և եկամուտներ են ստանում արտասահմանից: Սահմանափակ օրենքներ խոշոր բանկերի և ապահովագրական ընկերությունների համար: Սրանք այն բոլոր միջոցառումներ են, որոնք հանգեցրին այս քաոսին»։