Զբոսաշրջության ոլորտի օրենքներում լրացումներ կատարելու վերաբերյալ ԱԺ օրենսդրական  նախաձեռնությունները մեկնաբանելով՝ ՀԱԿ ներկայացուցիչ Հրանտ Բագրատյանն այսօր ԱԺ հերթական նիստի ժամանակ ասել է.

–Հայաստանի զբոսաշրջությունն ունի երկու խնդիր. մեկը ավելացված արժեքի վերադարձն է մեկնելիս, մյուսը ազգային ավիափոխադրողի մոնոպոլիան վերադարձնելն է։ Մենք ունենք թանկ ավիատոմսեր, որը կազմում  է զբոսաշրջիկի ծախսերի 40 տոկոսը։ Այսպիսի «լավաշ» օրենքներ անընդհատ կարելի է ընդունել, կարելի է լսել, թե ինչպես էկոնոմիկայի նախարարը խոսում է տնտեսական աճի մասին, որն իրականում չկա... Կամ երբ հայրենադարձը գալիս է Հայաստան, ամեն տարի 100 հազ. հեռացողներից, բնականաբար, մի 10 հազ.–ը գալիս է Հայաստան՝ հարազատներին տեսնելու, բայց դրանց համարում ենք զբոսաշրջիկ։

Բագրատյանը կարծիք է հայտնել, որ եթե համայն հայության թիվն աշխարհում է կազմում է մոտ 10 մլն, և դրանից միայն 2,8 մլնն է ապրում Հայաստանում, ապա այս պարագայում Հայաստանը տարեկան պետք է ունենա 3,5-4 մլն զբոսաշրջիկ՝ այսօրվա 700 հազ.–ի փոխարեն։

7or.am