ՀՅԴ խմբակցության պատգամավոր Արծվիկ Մինասյանը խորհրդարանում 2013թ. բյուջեի նախագծի քննարկման ժամանակ ընդգծել է, որ թեև այդ փաստաթղթում ներառված են ռիսկերը, բայց դրանց նկարագրությունը հնարավորություն չի տալիս դրանք ընկալել, հասկանալ և կառավարել:

–Այդ ռիսկերի նկարագրությունն այնքան ծավալուն է, այնքան անորոշություններ են պարունակում։ Եթե անգամ այս բյուջեն չկատարվի, հիմնավորում կա՝ համաշխարհային զարգացումները թույլ չեն տվել: Ցանկացա՛ծ ձախողում կարելի է պատճառաբանել դրանով,-հայտարարել է նա:

Պատգամավորը նաև նշել է, հաջորդ տարվա գլխավոր ֆինանսական փաստաթղթով կառավարությունը չի լուծում 240 000 գործազուկներին աշխատանքով ապահովելու, տնտեսական աճի և այլ խնդիրները։

Եզրափակելով իր խոսքը՝ Ա. Մինասյանը պատգամավորներին կոչ է արել դեմ քվեարկել բյուջեի նախագծին:

7or.am