Տնտեսական ճգնաժամը ազդել է ոչ միայն մարդկանց գրպանի, այլ նաև առողջության վրա: Այս մասին հայտնում է «Ինթերնեյշնլ հերալդ թրիբյուն»-ը: Ըստ Եվրոպական բժշկական համալսարանի կողմից անցկացված հետազոտությունների` ճգնաժամի պայմաններում մարդիկ ստիպված են ընտրել ավելի էժան և միաժամանակ ավելի անառողջ սննդամթերք՝ հրաժարվելով մրգից և բանջարեղենից՝ նախընտրելով սնվել արագ սննդի սպասարկման կենտրոններում: Այդ ամենը բացասական է ազդում մարդու օրգանիզմի վրա և դառնում է գիրանալու պատճառ:  Մթերքի էժանության խնդրին նաև ավելանում են ճգնաժամի պատճառով առաջացած  դեպրեսիաները, որի դեմ շատերը պայքարում են հենց սննդի միջոցով, ինչը և հասմգեցնում է քաշի ավելացման: