Հայոց գրատպության 500-ամյակը նշվում է նաև ռուսաստանյան գիտական ու համալսարանական կենտրոններում
Հայաստանում և հանրապետության սահմաններից դուրս շարունակվում են հայոց գրատպության 500-ամյակին նվիրված հոբելյանական միջոցառումները` հայատառ տպագիր գրականության կեսհազարամյա տարեդարձը վերածելով նաև ազգային գրավոր մշակույթին նվիրված հայ և այլազգի մասնագետների կողմից գիտական քննարկումների մի ամբողջ շարքի: Հայ գրատպության 500-ամյակին նվիրված միջոցառումների շրջանակում վերջերս Ռուսաստանի դաշնությունում` Ռյազանի Սերգեյ Եսենինի անվան պետական համալսարանում, տեղի է ունեցել ազգային գիտագործնական համաժողով: Այն կազմակերպվել էր Ռյազանի հայ համայնքի և համալսարանի համատեղ նախաձեռնությամբ ու Ռուսաստանում ՀՀ դեսպանության աջակցությամբ: Համաժողովին ռուս գործընկերների հետ մասնակցել և զեկուցումներով հանդես են եկել Հայաստանից ժամանած պատվիրակության անդամները` Երևանի պետական լեզվաբանական համալսարանի պրոռեկտոր Լ. Ֆլջյանը, ԵՊՀ պատմության ֆակուլտետի դեկան Է. Մինասյանը, ռուսական լեզվաբանության ֆակուլտետի դեկան Պ. Բալայանը և հայ բանասիրության ֆակուլտետի դեկան Ա. Ավագյանը: Համաժողովը վարել է Ռյազանի համալսարանի ռեկտոր Ի. Շեինան, ելույթներով հանդես են եկել Մոսկվայի պետական լեզվաբանական համալսարանի միջազգային հարաբերությունների և սոցիալ-քաղաքական գիտությունների ֆակուլտետի համաշխարհային մշակույթի ամբիոնի վարիչ Մ. Պոլետաևան, ՌՊՀ պատմության և միջազգային հարաբերությունների ֆակուլտետի պրոֆեսոր Յա. Կոլկերը, ՌՊՀ Եսենինի անվան գիտական կենտրոնի ղեկավար Օ. Վորոնովան, ՌՊՀ ռուսական լեզվաբանության և ազգային մշակույթի ֆակուլտետի պրոֆեսոր Ա. Սոլովյովը: Համաժողովին մասնակցել են ոչ միայն ռուս համալսարանականներ ու գիտնականները, այլև Ռյազանի մարզային կառավարության, Դումայի և քաղաքապետարանի ներկայացուցիչները:
Հայոց գրատպության 500-ամյակը նշվում է նաև ռուսաստանյան գիտական ու համալսարանական կենտրոններում
Հայաստանում և հանրապետության սահմաններից դուրս շարունակվում են հայոց գրատպության 500-ամյակին նվիրված հոբելյանական միջոցառումները` հայատառ տպագիր գրականության կեսհազարամյա տարեդարձը վերածելով նաև ազգային գրավոր մշակույթին նվիրված հայ և այլազգի մասնագետների կողմից գիտական քննարկումների մի ամբողջ շարքի: Հայ գրատպության 500-ամյակին նվիրված միջոցառումների շրջանակում վերջերս Ռուսաստանի դաշնությունում` Ռյազանի Սերգեյ Եսենինի անվան պետական համալսարանում, տեղի է ունեցել ազգային գիտագործնական համաժողով: Այն կազմակերպվել էր Ռյազանի հայ համայնքի և համալսարանի համատեղ նախաձեռնությամբ ու Ռուսաստանում ՀՀ դեսպանության աջակցությամբ: Համաժողովին ռուս գործընկերների հետ մասնակցել և զեկուցումներով հանդես են եկել Հայաստանից ժամանած պատվիրակության անդամները` Երևանի պետական լեզվաբանական համալսարանի պրոռեկտոր Լ. Ֆլջյանը, ԵՊՀ պատմության ֆակուլտետի դեկան Է. Մինասյանը, ռուսական լեզվաբանության ֆակուլտետի դեկան Պ. Բալայանը և հայ բանասիրության ֆակուլտետի դեկան Ա. Ավագյանը: Համաժողովը վարել է Ռյազանի համալսարանի ռեկտոր Ի. Շեինան, ելույթներով հանդես են եկել Մոսկվայի պետական լեզվաբանական համալսարանի միջազգային հարաբերությունների և սոցիալ-քաղաքական գիտությունների ֆակուլտետի համաշխարհային մշակույթի ամբիոնի վարիչ Մ. Պոլետաևան, ՌՊՀ պատմության և միջազգային հարաբերությունների ֆակուլտետի պրոֆեսոր Յա. Կոլկերը, ՌՊՀ Եսենինի անվան գիտական կենտրոնի ղեկավար Օ. Վորոնովան, ՌՊՀ ռուսական լեզվաբանության և ազգային մշակույթի ֆակուլտետի պրոֆեսոր Ա. Սոլովյովը: Համաժողովին մասնակցել են ոչ միայն ռուս համալսարանականներ ու գիտնականները, այլև Ռյազանի մարզային կառավարության, Դումայի և քաղաքապետարանի ներկայացուցիչները: