ԱԻԲԱ անդամ 102 երկրներից 70-ը կմասնակցի Երևանում անցկացվող ԱԻԲԱ բռնցքամարտի երիտասարդների աշխարհի առաջնությանը:  Մինչև նոյեմբերի 25-ը Երևան կժամանեն 12 երկրների  թիմեր:  Առաջնության ծրագրի համաձայն՝ թիմերի ժամանումը կսկվի նոյեմբերի      25-ից և կտևի մինչև 27-ը: Նոյեմբերի 16-ից արդեն Երևանում են Վրաստանի, Հունաստանի, Ֆրանսիայի թիմերը, որոնք ուսումնամարզական հավաք անցկացնելու նպատակով են այստեղ: Նոյեմբերի 21-ից ուսումնամարզական հավաքին կմիանան նաև Ռուսաստանի և Իռլանդիայի բռնցքամարտիկները: Նշված 5 թիմերի մարզումներն անցկացվում են Աբովյան քաղաքի Գ. Ծառուկյանի անվան սպորտի և մշակույթի համալիր կենտրոնում: Մյուս 7 թիմերը` Ուելս, Պուերտո Ռիկո, Անգլիա, Ալժիր, ԱՄՆ, Տաջիկստան, Շվեյցարիա, կժամանեն Երևան նոյեմբերի 23-24-ը: Այս թիմերի շուտ ժամանելու նպատակը տեղի կլիմային և ժամանակային գոտուն հարմարվելն է:

Առաջնության շրջանակներում բռնցքամարտիկներն իրենց մարզումները կանցկացնեն նաև հետևալ մարզական հաստատությունների դահլիճներում` «Հայաստան» մարզական միության բռնցքամարտի ՕՀՄՊԴ,  «Աշխատանքային ռեզերվներ» ՄԸ  ՕՀՄՊԴ, Վլ. Ենգիբարյանի անվան բռնցքամարտի օլիմպիական դպրոց, Կ. Դեմիրճյանի անվան մարզահամերգային համալիր:

Ի դեպ, ԱԻԲԱ բռնցքամարտի երիտասարդների աշխարհի առաջնության կազմկոմիտեին կազմակերպչական գործում աջակցելու նպատակով նոյեմբերի  21-ից Երևան կժամանեն ԱԻԲԱ համակարգող կոմիտեի 2 պաշտոնյաներ` Ջուն Ֆիլիպը և Մերելին Ֆլորեսը:   

 ՀԲՖ մամուլի ծառայություն