ՀՀ ոստիկանությունն անդրադարձել է Սերժ Սարգսյանի թիկնազորի ուղղությամբ կրակոցին՝ առանց թիկնազորի անուն տալու։ Ոստիկանությունից միայն հետյալն են տեղեկացրել.

«Նոյեմբերի 21-ին` ժամը 1-ի սահմաններում,  անհայտ անձը Երեւանի Ծովակալ Իսակովի պողոտայում, Վաղարշ Վաղարշյանի անվան թիվ  80 դպրոցին հարող հատվածում,  «Օպել  Վեկտրա» մակնիշի ավտոմեքենայով դեպի Հրազդանի կիրճ ընթանալիս, մոտ 5 մետր հեռավորությունից  կրակոց է արձակել  իր  երթեւեկելի գոտով ընթացող «ՎԱԶ 2121» մակնիշի ավտոմեքենայի վարորդի ուղղությամբ, սակայն գնդակը դիպչելով ավտոմեքենայի դիմապակուն՝  անդրադարձ է կատարել: 

«Մեր աշխատակիցները երեկ գիշեր օդանավակայան գնալու ճանապարհին՝ Կոնյակի գործարանի ճանապարհի վրա են եղել, և մի համընթաց մեքենա է եկել, որի միջից կրակել են մեր մեքենայի վրա՝ մեր ծառայության մեքենայի: Պարզվել է, որ այդ վարորդը Էջմիածնի բնակիչ է, որը հենց մեքենայի միջից կրակել է մեր մեքենայի ուղղությամբ: Ոստիկանությունը տեղյակ է, և շատ օպերատիվ էլ աշխատել են, իսկ հանցագործն էլ արդեն հայտնաբերվել է»,–նշել է ՊՊԾ պետը:

Փոխարենը նախագահի մամուլի խոսնակը, այս հրապարակումից հետո, հերքել է, որ նախագահի թիկնազորի կամ նախագահին սպասարկող ավտոմեքենաների հետ որևէ միջադեպ է տեղի ունեցել։

«Որեւէ միջադեպ Հայաստանի նախագահի թիկնազորի կամ նախագահին սպասարկող ավտոմեքենաների հետ տեղի չի ունեցել»:

Այդ մասին «news.am»-ի հարցմանն ի պատասխան` հայտնել է Հայաստանի նախագահի մամուլի խոսնակ Արմեն Արզումանյանը։ Նա նշել է, որ հիշատակած պատահարը տեղի է ունեցել Սերժ Սարգսյանի թիկնազորի հետ որեւէ առնչություն չունեցող «Նիվա» մակնիշի ավտոմեքենայի հետ, որը ՀՀ ՊՊԾ-ում օգտագործվում է ընթացիկ աշխատանքների համար:

7or.am