«Խիստ հարգանքով եմ վերաբերվում Րաֆֆի Հովհաննիսյանի հայտարարությանը Բաքվում: Այո, մեր բոլորի ցանկությունն է, որ Ադրբեջանը վաղ թե ուշ ճանաչի ԼՂՀ ինքնորոշման իրավունքը»,–այսօրվա ասուլիսին հայտարարել է ԱԺ ՀՀԿ խմբակցության անդամ Արտակ Զաքարյանը։ Ըստ բանախոսի՝ քանի որ բազմից  նշվել է, որ ԼՂՀ բնակչությունը վտանգված է լինելուԱդրբեջանում, ապա դա ավելի է խորացնում Արցախի ժողովրդի ինքնորոշման իրավունքի իրացումը:

«Հայկական կողմը հավատարիմ է ԼՂ հիմնախնդրի խաղաղ կարգավորմանը, և դրա ապացույցը հրադադարի ռեժիմի պահպանումն է: Մենք բազմից ենք բարձրացրել դիպուկահարներին շփման գծից դուրս բերելու հարցը, բայց այդ խնդիրը չի լուծվել: Կարծում եմ, որ Ադրբեջանի վրա ճնշումներն ավելի են մեծանալու միջազգային հանրության կողմից: ԵԱՀԿ ՄԽ համանախագահների այցն Արցախ ցույց է տալիս, որ հաշվի է առնվում ԼՂՀ-ի դերը՝ որպես կարևորագույն սուբյեկտ, խնդրի կարգավորման գործընթացում»,–ասել է Ա. Զաքարյանը։

7or.am