Զարուհի Հովհաննիսյանը բանաստեղծություն է նվիրել ՀՀ նախագահ Սերժ Սարգսյանին։ Այն ներկայացնում ենք ստորև.

Ո՞վ սալարկեց ճանապարհդ

Դեպի բեմել,

Ո՛վ պրեզիդենտ։

Ո՞վ քեզ գահին այդ բարձրացրեց,

Որ ինձ տանջես,

Ո՛վ պրեզիդենտ։

Ո՞վ է արդյոք վստահեցրել,

Որ դու իմն ես,

Ո՛վ պրեզիդենտ։

Որտեղի՞ց քեզ մեքենաներ,

Շքեղ տներ, զբոսանավեր,

Ո՛վ պրեզիդենտ։

Որտեղի՞ց քեզ այսքան ստրուկներ

Ու ծառաներ,

Ո՛վ պրեզիդենտ։

Որտեղի՞ց քեզ այսքան խոսքեր,

Սին ու դատարկ,

Ո՛վ պրեզիդենտ։

Որտեղի՞ց քեզ պատասխաններ

Անբովանդակ,

Ո՛վ պրեզիդենտ։

Օտարության մեջ խարխափող,

Մեզնից զատված,

Դո՛ւ, պրեզիդենտ։