Արդեն շատերն են հասցրել նկատել «Հակահարված art» խմբի անդամների ակցիաները։ Դրանք «լուռ» ակցիաներ են և բավական մեծ արձագանք են ստացել։

Արվեստագետներից բաղկացած խումբն այդ քաղաքացիական ակտիվության կոչեր է անում և քաղաքական պահանջներ առաջ քաշում։ Վերջին ակցիան տեղի է ունեցել Պետական համալսարանի «սև» շենքում և ավարտվել տհաճ միջադեպով։ Չնայած ԲՈՒՀ–ից սովետական ոճով տարածեցին, թե ոչ մի քաշքշուկ կամ բռնություն չի գործադրվել «Հակահարված art»–ի անդամների նկատմամբ, սակայն կից տեսանյութը դիտելուց հետո կարելի է համոզվել, որ մեծ «ձյաձյաները» պարզապես ստել են։

«7 օրի» տաղավարում Վախթանգ Մարգարյանը հյուրընկալել է «Հակահարված art» խմբի անդամ, նկարիչ Թաթուլ Սարոյանին, ով ներկայացրել է իրենց գործունեության նպատակները։

Սարոյանը կարծում է, որ այս քաղաքացիական նախաձեռնությունը պետք է լավ իմաստով նախանձ առաջացնի մյուս արվեստագետների մոտ և մղի նրանց ակտիվության։ Նկարչի խոսքերով՝ առաջիկա նախագահական ընտրությունները պետք է օգտագործել երկրում ստեղծված վիճակը փոխելու համար։

7or.am