Իտալիայի «One Price» սուպերմարկետների ցանցն իր այցելուներին առաջարկել է  վիճակախաղ, որի գլխավոր մրցանակը աշխատանք ունենալն է նույն սուպերմարկետում: Վիճակախաղին կարող է մասնակցել ցանկացած այցելու, ով գնումներ կատարելու ժամանակ 30 եվրոյից ավելի է ծախսել: Հաղթող մասնակիցը ստանում է վաճառողի օգնականի ժամանակավոր աշխատանք՝  պարտավորվելով օրը չորս ժամ  աշխատել ամսական 1100 եվրոյի դիմաց: Սուպերմարկետը տրամադրել է 12 տեղ՝ վիճակախաղի անցկացումը հիմնավորելով Իտալիայում տնտեսական ճգնաժամով և գործազրկությամբ:  Նշենք, որ հաղթող մասնակիցների 90 տոկոսը համաձայնել է անցնել աշխատանքի: