Տեխնոլոգիական նորարարությունների ցուցահանդեսներում արդեն հայտնվել են բջջային հեռախոսների նմուշներ, որոնք հնարավոր է խողովակի վերածել: Յուրահատուկ ճկուն հեռախոսների ստեղծման վրա աշխատում են այնպիսի աշխարհահռչակ ապրանքանիշներ, ինչպիսիք են «Nokia»-ն, «LG»-ն, «Philips»-ը, «Sony»-ն, «Sharp»-ը և այլ կազմակերպություններ: Առաջինը, որը հայտարարել է նմանատիպ բջջայինի ստեղծման գործում հաջողության հասնելու մասին, հարավկորեական «Samsung» ընկերությունն է. նա օրգանական նյութերից պատրաստված լուսադիոդային տեխնոլոգիա է օգտագործել:  Քանի որ էլեկտրոնիկան ամրացվում է  ճկուն պլաստիկ հիմքի վրա, հեռախոսը հնարավոր կլինի վերածել խողովակի: