Մեկ տարի հետ ՀՀԿ–ի կողմից մարտի 1-ի դեպքերն ուսումնասիրող հանձնաժողովի ստեղծման համաձայնությունը ՀԱԿ խմբակցության ղեկավար Լևոն Զուրաբյանը իշխանության կողմից լուրջ նահանջ է համարում։

–Նաև ԲՀԿ-ի աջակցությունը դրդեց իշխանությանը գնալ այդ նահանջին, քանի որ ԲՀԿ-ն նախօրոք հայտարարել էր, որ կողմ է քվեարկելու հանձնաժողովի ստեղծմանը։ Հայտնվելով մեկուսացված վիճակում՝ մեծամասնությունն ընդունեց, որ մարտի 1-ի էջը փակված չէ,–այսօր լրագրողներին ասել է Լևոն Զուրաբյանը։

Նա չի բացառել 2013թ. նախագահական ընտրություններում միասնական թեկնածուով հանդես գալը, բայց հիմա քննարկումներ են տեղի ունենում։ Զուրաբյանը չի բացառել նաև այնպիսի մի միջավայրի ստեղծումը, որը կարող է քաղաքական ցնցում առաջացնել:

7or.am