Վահե Էնֆիաջյան. «Կառավարության ասված խոսքի և կատարած գործի համադրությունը չի համապատասխանում»
ԱԺ ԲՀԿ խմբակցության պատգամավոր Վահե Էնֆիաջյանը խորհրդարանում իր ելույթի ժամանակ ընդգծել է, որ տարիներ շարունակ խոսվում է գիտելիքահեն տնտեսություն կառուցելուց և յուրաքանչյուր տարի պետբյուջեից միլիոնավոր դրամներ են հատկացվում ոլորտներում բարեփոխումներ իրականացնելու համար, սակայն յուրաքանչյուր տարին ամփոփելիս միայն հետընթաց ենք արձանագրում:
–Կառավարության ասված խոսքի և կատարած գործի համադրությունը չի համապատասխանում մեկը մյուսին: Գրագետ և հեռանկարային ռազմավարություն մշակելուց հետո հնարավոր կլինի հաղթահարել այն ծանր իրավիճակը, որն առկա է մեր երկրում: Ժողովրդի բարոյահոգեբանական ծանր կարգավիճակը, աշխատատեղերի բացակայությունը պահանջում են անհապաղ և բեկումնային փոփոխություններ տնտեսության կառավարման ոլորտում,–ասել է ԲՀԿ–ական պատգամավորը:
Նա ստեղծված իրավիճակի գլխավոր պատճառներից է համարում անարդարության մթնոլորտը, որի դրսևորման օրինակներից է ուսանողների ստացած 5000 դր. կրթաթոշակը.
–Շուրջ մեկ տասնամյակ առաջ ուսման վարձավճարը շատ ավելի քիչ էր, որքան որ հիմա է, սակայն այսօր, երբ ԲՈՒՀ-երի ուսման վարձավճարը կազմում է մի քանի հարյուր հազար դրամ, իսկ որոշ դեպքերում գերազանցում է նաև մեկ միլիոնը, ուսանողները շարունակում են ստանալ նույն 5000 դրամ կրթաթոշակը: Մենք լավագույնս ուսումանսիրել ենք ոլորտում առկա խնդիրները և հստակ պատկերացնում ենք ուսանողներին ցուցաբերվող օժանդակության անհրաժեշտությունը: Զավեշտալի էր, երբ նոյեբերի 17-ին «Գագիկ Ծառուկյան» բարեգործական հիմնադրամի կողմից ամենամյա կրթաթոշակների տրամադրման գործընթացի շրջանակներում գրություններ ուղարկվեցին ԲՈՒՀ-երին, որտեղ առաջարկվում էր յուրաքանչյուր ԲՈՒՀ-ից անվանական կրթաթոշակի ներկայացնել ուսման մեջ առաջադիմությամբ աչքի ընկող, առավել կարիքավոր և հասարակական ակտիվությամբ առանձնացող, անկախ կուսակցության պատկանելիությունից` ուսանողների տվյալներ, որն այդպես էլ մնաց անարձագանք: Միթե՞ մեր երկրում չկային ուսանողներ, որոնք համապատասխանում էին վերը թվարկված պահանջներին և կարող էին օգտվել տրամադրվող օգնությունից: Ոլորտում տիրում է բարձիթողի վիճակ:
Վահե Էնֆիաջյանը նաև նշել է, որ հայերենով մասնագիտական գրականության սակավությունը և ԲՈՒՀ-երի տված անբավարար գիտելիքներն ու տնտեսության մեջ մասնագիտական կադրերի անմրցունակ լինելը փաստում են՝ Շանհայյան վարկանիշով աշխարհի հեղինակավոր 500 ԲՈՒՀ-երի ցանկում հայաստանյան նույնիսկ մեկ ԲՈՒՀ չկա.
–Այս իրավիճակից դուրս գալու և երկիրը հզորացնելու, ժամանակակից աշխարհին համահունչ լինելու համար անհրաժեշտ են մրցունակ կադրեր, որոնք վաղը պետք է հանդիսանան այսօրվա ուսանողները, իսկ նրանց մրցունակ և երկրին պիտանի դարձնելու համար բավարար աշխատանք չի տարվում: Արդյունքում ունենք արտագաղթի մեծացող տեմպեր, գործազրկություն և հայ մարդու` սեփական երկրի հանդեպ ունեցած վստահության կորուստը: Իսկ գիտելիքահեն տնտեսությունից խոսելը` մեղմ ասած ավելորդ է,–հայտարարել է նա։
.jpg)
Վահե Էնֆիաջյան. «Կառավարության ասված խոսքի և կատարած գործի համադրությունը չի համապատասխանում»
ԱԺ ԲՀԿ խմբակցության պատգամավոր Վահե Էնֆիաջյանը խորհրդարանում իր ելույթի ժամանակ ընդգծել է, որ տարիներ շարունակ խոսվում է գիտելիքահեն տնտեսություն կառուցելուց և յուրաքանչյուր տարի պետբյուջեից միլիոնավոր դրամներ են հատկացվում ոլորտներում բարեփոխումներ իրականացնելու համար, սակայն յուրաքանչյուր տարին ամփոփելիս միայն հետընթաց ենք արձանագրում:
–Կառավարության ասված խոսքի և կատարած գործի համադրությունը չի համապատասխանում մեկը մյուսին: Գրագետ և հեռանկարային ռազմավարություն մշակելուց հետո հնարավոր կլինի հաղթահարել այն ծանր իրավիճակը, որն առկա է մեր երկրում: Ժողովրդի բարոյահոգեբանական ծանր կարգավիճակը, աշխատատեղերի բացակայությունը պահանջում են անհապաղ և բեկումնային փոփոխություններ տնտեսության կառավարման ոլորտում,–ասել է ԲՀԿ–ական պատգամավորը:
Նա ստեղծված իրավիճակի գլխավոր պատճառներից է համարում անարդարության մթնոլորտը, որի դրսևորման օրինակներից է ուսանողների ստացած 5000 դր. կրթաթոշակը.
–Շուրջ մեկ տասնամյակ առաջ ուսման վարձավճարը շատ ավելի քիչ էր, որքան որ հիմա է, սակայն այսօր, երբ ԲՈՒՀ-երի ուսման վարձավճարը կազմում է մի քանի հարյուր հազար դրամ, իսկ որոշ դեպքերում գերազանցում է նաև մեկ միլիոնը, ուսանողները շարունակում են ստանալ նույն 5000 դրամ կրթաթոշակը: Մենք լավագույնս ուսումանսիրել ենք ոլորտում առկա խնդիրները և հստակ պատկերացնում ենք ուսանողներին ցուցաբերվող օժանդակության անհրաժեշտությունը: Զավեշտալի էր, երբ նոյեբերի 17-ին «Գագիկ Ծառուկյան» բարեգործական հիմնադրամի կողմից ամենամյա կրթաթոշակների տրամադրման գործընթացի շրջանակներում գրություններ ուղարկվեցին ԲՈՒՀ-երին, որտեղ առաջարկվում էր յուրաքանչյուր ԲՈՒՀ-ից անվանական կրթաթոշակի ներկայացնել ուսման մեջ առաջադիմությամբ աչքի ընկող, առավել կարիքավոր և հասարակական ակտիվությամբ առանձնացող, անկախ կուսակցության պատկանելիությունից` ուսանողների տվյալներ, որն այդպես էլ մնաց անարձագանք: Միթե՞ մեր երկրում չկային ուսանողներ, որոնք համապատասխանում էին վերը թվարկված պահանջներին և կարող էին օգտվել տրամադրվող օգնությունից: Ոլորտում տիրում է բարձիթողի վիճակ:
Վահե Էնֆիաջյանը նաև նշել է, որ հայերենով մասնագիտական գրականության սակավությունը և ԲՈՒՀ-երի տված անբավարար գիտելիքներն ու տնտեսության մեջ մասնագիտական կադրերի անմրցունակ լինելը փաստում են՝ Շանհայյան վարկանիշով աշխարհի հեղինակավոր 500 ԲՈՒՀ-երի ցանկում հայաստանյան նույնիսկ մեկ ԲՈՒՀ չկա.
–Այս իրավիճակից դուրս գալու և երկիրը հզորացնելու, ժամանակակից աշխարհին համահունչ լինելու համար անհրաժեշտ են մրցունակ կադրեր, որոնք վաղը պետք է հանդիսանան այսօրվա ուսանողները, իսկ նրանց մրցունակ և երկրին պիտանի դարձնելու համար բավարար աշխատանք չի տարվում: Արդյունքում ունենք արտագաղթի մեծացող տեմպեր, գործազրկություն և հայ մարդու` սեփական երկրի հանդեպ ունեցած վստահության կորուստը: Իսկ գիտելիքահեն տնտեսությունից խոսելը` մեղմ ասած ավելորդ է,–հայտարարել է նա։