Դեկտեմբերի 7-ին՝ ժամը 17։57-ին, տեղեկություն է ստացվել, որ Գավառ-Սևան ավտոճանապարհի    5-րդ կմ-ում տեղի է ունեցել ՃՏՊ:

Դեպքի վայր է մեկնել մեկ մարտական հաշվարկ:

Դեռևս չբացահայտված հանգամանքներում բախվել են «Ֆոլքսվագեն Ջետտա» մակնիշի 33 PL 710 պ/հ և «Օպել Վեկտրա» մակնիշի 13 ՏՍ 141 պ/հ ավտոմեքենաները:

Մինչ հրշեջ-փրկարարների կանչի վայր հասնելը` «Ֆոլքսվագեն» մակնիշի ավտոմեքենայի վարորդ`  1992 թ. ծնված Ա.Շաբոյանը, ուղևորներ`  1994թ. ծնված Հ. Բադեյանը, 1991թ. ծնված Ա.Զաքարյանը և «Օպել» մակնիշի ավտոմեքենայի վարորդ` 1962թ. ծնված Կ.Ծատրյանը տարբեր աստիճանի մարմնական վնասվածքներով տեղափոխվել են Գավառի հիվանդանոց:

Բժիշկների կողմից տուժածների առողջական վիճակը գնահատվել է բավարար:

 ***

Դեկտեմբերի 8-ին,  ժամը 02.20-ին ահազանգ է ստացվել, որ Երևանի Կիևյան և Օրբելի փողոցների խաչմերուկում տեղի է ունեցել ՃՏՊ. կան տուժածներ, անհրաժեշտ է փրկարարների օգնությոնը:

Դեպքի վայր են մեկնել մեկ մարտական հաշվարկ և ՃԿԿ ԱԻ արձագանքման խումբը:

Դեռևս չբացահայտված հանգամանքներում բախվել են «Մերսեդես» մակնիշի 87 ՕԼ 777 պ/հ և «Տիր» տաքսի ծառայությանը պատկանող «Կիա» մակնիշի Լ 3841 պ/հ ավտոմեքենաները:

Մինչ հրշեջ-փրկարարների կանչի վայր հասնելը` 1989թ. ծնված Դ. Պողոսյանը, 1984 թ. ծնված Ա.Հակոբյանը և 1958թ. ծնված Վ. Հովսեփյանը տարբեր աստիճանի մարմնական վնասվածքներով տեղափոխվել են «Արմենիա» բժշկական կենտրոն և թիվ 1 համալսարանական հիվանդանոց:

Բժիշկների կողմից Դ. Պողոսյանի և Ա. Հակոբյանի վիճակը գնահատվել է բավարար, իսկ Վ. Հովսեփյանինը` ծանր:

***

Նույն օրը՝  ժամը 04։28-ին ահազանգ է ստացվել, որ Երևան–Սևան ավտոճանապարհի 53-րդ կմ-ում տեղի է ունեցել ՃՏՊ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ «Վոլքս­վագեն Վենտո» մակնիշի 22 US 048 պ/հ ավտոմեքենան (վարորդ` Ա.Գրիգորյան) դուրս է եկել երթևեկելի մասից և կողաշրջվել:

Հրշեջ-փրկարարները  ավտոմեքենան դուրս են բերել ճանապարհի երթևեկելի մաս:

Զոհեր և տուժածներ չկան:

***

Նույն օրը,  ժամը 15.01-ին ահազանգ է ստացվել, որ  Իջևանի ՀՀ ՊՆ թիվ 51191 զորամասի մոտ տեղի է ունեցել ՃՏՊ, առկա է գազի արտահոսք, կան տուժածներ:

Դեպքի վայր են մեկնել մեկ մարտական հաշվարկ և մարզային փրկարար ջոկատը:

Դեռևս չբացահայտված հանգամանքներում բախվել են «Մերսեդես» մակնիշի AVO 888 պ/հ և Օպել» մակնիշի 32 ԼՕ 418 պ/հ ավտոմեքենաները:

Մինչ փրկարարների կանչի վայր հասնելը տուժածներ` «Մերսեդես» մակնիշի ավտոմեքենայի վարորդ Ալբերտ Օրբելյանը, «Օպել» մակնիշի ավտոմեքենայի վարորդ Ռուբիկ Հարությունյանը և ուղևոր Սամվել Մաքսյանը տեղափոխվել են Իջևանի բժշկական կենտրոն:

Ըստ բժիշկների` տուժածների առողջական վիճակը գնահատվել է բավարար: