Բնակչության տարբեր սոցիալական խմբերի կենսագործունեության անվտանգության մշակույթի տարածման, ՀՀ ԱԻՆ համակարգում պրոֆեսիոնալիզմի բարձրացման, առաջավոր փորձի ցուցադրման, լավագույն մասնագետների, ինչպես նաև փրկարար ծառայության լավագույն տարածքային ստորաբաժանումների ի հայտ բերման նպատակով ՀՀ ԱԻ նախարարությունն անցկացնում է մարդկանց անվտանգության և փրկության «Արիության համաստեղություն» խորագրով հանրապետական փառատոն:

Փառատոնի կարգախոսն է` «Մեր ընտրությունը կյանքն է առանց վտանգի»:

Փառատոնի նպատակներն են`

1)        բնակչության տարբեր սոցիալական խմբերի կենսագործունեության անվտանգության մշակույթի քարոզումը.

2)        ԱԻ և դրանց հետևանքների վերացման ընթացքում ՀՀ ԱԻՆ աշխատակիցների, բնակիչների հերոսության և արիության օրինակների, ինչպես նաև փրկարարների ու հրշեջ-փրկարարների դժվար աշխատանքի մասին տեղեկատվությունը հասարակության լայն շրջաններին հասցնելը.

3)        աճող սերնդի` ժամանակակից հերոսների օրինակով հայրենասիրության և խիզախության ոգով դաստիարակությունը.

4)        ԱԻ կանխարգելման, բնակչության իրազեկվածության և պատրաստվածության գործում զանգվածային լրատվամիջոցների դերի բարձրացում.

5)        ԱԻ ոլորտի տարբեր մասնագետների գործունեության մասին պատմող ԶԼՄ-ների, լավագույն լրագրողական, լուսանկարչական աշխատանքների հեղինակների ի հայտ բերում և խրախուսում.

6)        ՀՀ ԱԻՆ համակարգում պրոֆեսիոնալիզմի բարձրացում, առաջավոր փորձի ցուցադրում, լավագույն մասնագետների, ինչպես նաև ՀՀ ԱԻՆ ՓԾ լավագույն տարածքային ստորաբաժանումների ի հայտ բերում։

Լրագրողական աշխատանքների մրցանակաբաշխության անվանակարգերն են.

1) հեռուստատեսության համար`

ա. հեռուստատեսային տեղեկատվական լավագույն ծրագիր.

բ. հեռուստատեսային վերլուծական  լավագույն ծրագիր.

գ. լավագույն վավերագրական ֆիլմ կամ ռեպորտաժ.

2) ռադիոյի համար`

ա. լավագույն տեղեկատվական հաղորդում ռադիոյով.

բ. լավագույն վերլուծական հաղորդում ռադիոյով.

 

3) տպագիր մամուլի համար`

ա. լավագույն տպագիր ռեպորտաժ.

բ. լավագույն տպագիր հոդված.

գ. լավագույն տպագիր հարցազրույց.

4) լրատվական գործակալությունների համար`

ա. լրատվական գործակալությունների ամենաակտիվ լրագրող.

 

5) ինտերնետ նախագծերի համար`

ա. լավագույն ինտերնետ նախագիծ.

6) հատուկ անվանակարգեր`

ա. նյութի լավագույն հերոս (շնորհվում է նյութերի հերոսներին).

բ. լավագույն նյութ` հերոս երեխաների մասին

գ. լավագույն լուսանկարի հերոս։

Լուսանկարչական աշխատանքների անվանակարգերն են.

1) Ոչ ոք չի մնա վտանգի մեջ (արտակարգ իրավիճակների պայմաններում ՀՀ ԱԻՆ, այլ ծառայությունների ծառայողների և քաղաքացիների անհապաղ գործողություններ, հրդեհ, ջրհեղեղ, երկրաշարժ, արտադրական կամ կենցաղային վթար, կամ վնասվածք և այլն, ԱԻ պայմաններում փրկարարների և հրշեջ-փրկարարների ուսումնավարժանք-նախապատրաստում, անձնազոհության, արհեստավարժության, խիզախության, շրջապատի նկատմամբ ուշադրության, օգնության հասնելու պատրաստակամության վերաբերյալ լուսանկարչական տարեգրություն).

2) Օգնությունը գալիս է ժամանակին (պատահարների հետևանքների վերացման աշխատանքներ, մարդկանց, կենդանիների, շրջակա միջավայրի նկատմամբ ուշադրության լուսանկար–վկայություն, հոգատարության և ուշադրության դրսևորում` ցանկացած պայմաններում).

3) Դեմքով դեպի հերոսը (աշխատանքում և կյանքում խիզախություն ցուցաբերած փրկարարների, հրշեջ-փրկարարների, այլ մասնագիտությունների ներկայացուցիչների կյանքի և աշխատանքի ժամանակագրություն: Լուսանկար-մարդկային դեմք և աշխատանքային առօրյա, «ճշմարտության պահ», բարդ իրավիճակից ելքի որոնում և հասարակ կենսական ուրախություններ):

Լրագրողական անվանակարգերի համար նյութերը պետք է ներկայացվեն.

1)      հեռուստաընկերությունները` տեսագրված DVD սկավառակի վրա.

2)      ռադիոընկերությունները` ձայնագրված CD սկավառակի վրա.

3)      թերթերը և ամսագրերը` 3-ական տպագիր համարով, հրատարակչության կողմից հաստատված կնիքով, ինչպես նաև էլեկտրոնային տարբերակով (CD սկավառակով).

4)      համացանցային նախագծերը` էլեկտրոնային տարբերակով (CD սկավառակով):

Լուսանկարչական աշխատանքների անվանակարգերին կարող են մասնակցել պրոֆեսիոնալ և սիրողական լուսանկարների և լուսանկարների շարքի հեղինակներ: Յուրաքանչյուր լուսանկարիչ մրցույթին կարող է ներկայացնել տասից ոչ ավելի լուսանկար:

Մրցանակաբաշխությանը ներկայացվող յուրաքանչյուր դիմումին կցվում է մրցույթային անվանակարգի անվանումը, նյութի անունը, թողարկման ամսաթիվը և հեղինակի վերաբերյալ տեղեկություններ (անուն-ազգանուն, աշխատանքի վայր, զբաղմունքի տեսակը, հասցեն, հեռախոսը և էլեկտրոնային հասցեն):