Մինսկում կայացած Բելառուսի և Ռուսաստանի արտաքին գերատեսչությունների կոլեգյալ նիստի ժամանակ Ռուսաստանի արտգործնախարար Սերգեյ Լավրովը հայտարարել է, թե  Ռուսաստանը հույս ունի, որ Եվրամիության «Արևելյան գործընկերություն» (Հայաստան, Վրաստան, Ադրբեջան, Մոլդովա և Բելառուս) նախաձեռնությունը կառուցողական լուծում կստանա։

-Հարգանքով ենք վերաբերվում ԵՄ-ի այն հետքրքրությանը, որը նա  ցուցաբերում է ԱՊՀ երկրների հանդեպ, և տրամադրված ենք  Եվրամիության հետ բազմակողմանի փոխգործակցության՝ տարածաշրջանի զարգացմանը միտված գործունեության հարցում։ Իհարկե՝ այն գիտակցությամբ, որ բոլոր կողմերի գործողությունները, այդ թվում՝ ԵՄ-ի, կնպաստեն քաղաքական և տնտեսական կայունության ամրապնդմանը մեր ամբողջ, միասնական տարածաշրջանում,-ընդգծել է Լավրովը։