Հաագայի դատարանի դատավորը դահլիճից հեռացրել է բոսնիացի սերբերի նախկին առաջնորդ Ռատկո Մլադիչին։ Ըստ էլեկտրոնային ԶԼՄ–ների՝ մահմեդականներով բնակեցված  Սրեբրենիցի ջարդերի վերաբերյալ գործով վկայի ցուցմունքի ընթացքում Մլադիչը վիրավորանքներ է տեղացել վերջինիս հասցեին՝ հայտարարելով, թե վկան ստում է։ Ի պատասխան՝ դատավորը մեղադրյալին հեռացրել է դատարանի դահլիճից։

Հիշեցնենք՝ 1992-1995թթ. Մլադիչը Բոսնիա և Հերցեգովինայում Սերբիայի Հանրապետության բանակի հրամանատարն էր։ Սերբիայի իշխանությունները վերջինիս ձերբակալել էին 2011թ.–ին՝ հանձնելով նրան Հաագայի դատարանին։

Մլադիչը մեղադրվում է պատերազմական իրավիճակում ցեղասպանություն կազմակերպելու համար։ Գեներալն իր մեղքը չի ընդունում։