ՀՀ ԱԺ ՀԱԿ խմբակցության պատգամավոր, ՀՀ նախկին զինդատախազ Գագիկ Ջհանգիրյանը խորհրդարանական այսօրվա ճեպազրույցների ժամին խոսել է  «Ժառանգություն» կուսակցության նախագահ Րաֆֆի Հովհաննիսյանի հետընտրական գործողությունների մասին և բացատրել, թե ինչո՞ւ ինքը չէր մասնակցում նրա հավաքներին.

–Ես այդ շարժման և նրա ղեկավարի գործողություններում չէի տեսնում որևէ տրամաբանական քայլերի հաջորդականություն։

Իսկ ապրիլի 9–ին ոստիկանների գործողություններում Գ. Ջհանգիրյանը արտառոց որևէ բան չի տեսել:

–Եթե Րաֆֆի Հովհաննիսյանը մերժել է իշխանությանը, ոստիկանապետի հետ ի՞նչ աղոթք է անում Ծիծեռնակաբերդում,–միաժամանակ իր զարմանքն է արտահայտել Գ. Ջհանգիրյանը:

Իսկ ավելի վաղ, «7օր»–ի հարցին՝ արտառոց չէ՞ր, որ Րաֆֆի Հովհաննիսյանը թողել էր ժողովրդին Բաղրամյան պողոտայում, իսկ ինքը ոստիկանապետի հետ գնացել էր աղոթելու, Գ. Ջհանգիրյանը պատասխանել էր.

–Ժողովրդի համար առաջնորդ պետք է լինի։  

7or.am