ՀՅԴ ԳՄ փոխներկայացուցիչ Աղվան Վարդանյանը այսօր լրագրողների հետ հանդիպման ժամանակ իշխանություններին կոչ է արել գոնե մեկ անգամ օրինական ընտրություն անցկացնել։ Նա վստահ է, որ թեև 2013թ. նախագահական ընտրություններից իշխանությունները դառը դասեր են քաղել, բայց այս մայիսի 5–ի ավագանու ընտություններում կրկին դիմել են վարչական ռեսուրսի օգնությանը.

–Ուսուցիչներին տուն առ տուն են գցել, որ իրենց աշակերտների ծնողներին քարոզեն ու ձայն բերեն ՀՀԿ-ի համար: Հուսով ենք, որ մեր բնակչությունն այս ընտրությունները կդիտարկի ոչ թե անձերի, այլ քաղաքական ուժերի՛ մրցակցություն, և դա անվստահության հանրաքվե կլինի գործող իշխանությանը։ Բնակչության զգալի մասը դեմ է գործող ռեժիմին,–ասել է ՀՅԴ ԳՄ փոխներկայացուցիչը։

ՀՀԿ–ի ցուցակը գլխավորող Տարոն Մարգարյանին էլ նա հրապարակային բանավեճի է հրավիրել ՀՅԴ–ի ցուցակի առաջին համար Արմեն Ռուստամյանի հետ։

7or.am