Քիչ առաջ ցանկացա տեղեկանալ, թե ինչ վիճակում են գտնվում նստացույց անող ազատամարտիկների վեր հանած պահանջները: Զանգահարեցի նստացույց անող ազատամարտիկներից մեկին` Վոլոդիային: Ասում է, որ դեռ պետական արձագանք չկա, փոխարենը հայտնվել են ինչ-որ բարերարներ, ովքեր ցանկանում են իրենց բարեգործական ֆոնդից ինչ -որ գումարներ հատկացնեն ազատամարտիկներին: Վոլոդյան ասաց հետևյալը. «Մենք շատ շնորհակալ ենք, որ բարեգործները արձագանքեցին, բայց մենք կառավարությունից ենք պետական աջակցություն պահանջում, մեր պահանջն ու դիմումը ուղված է կառավարությանը, այս հարցի կարգավորումը պետք է կառավարության կողմից լինի»:

Էդգար Վարդանյան