Մայիսի 29-ին՝ ժամը 15:00-ին, Սարյան 22 (Գլխավոր փոստի շենք) հասեցում գտնվող Հանրային ծառայությունները կարգավորող հանձնաժողովում բողոքի գործողություն է նախատեսված անցկացնել։ Այդ օրը հանձնաժողովը գազի սակագնի բարձրացման վերաբերյալ հանրային լսում է անցկացնելու։ Բողոքի գործողության կազմակերպիչների հայտարարության մեջ մասնավորապես ասված է.

«Հարգելի՛ ՀՀ քաղաքացի, քո՛ ներկայությունից է կախված գազի թանկացման գործընթացը:
Ոտքի՛ ենք կանգնում ու ասում ենք, որ այլևս անհնա՛ր է, ՄԵՆՔ պայքարելու ենք ամեն գնով այնքան ժամանակ, քանի դեռ մենք մեր երկրում չունենք արժանապատիվ կյանքի իրավունք:
Բոլորս էլ գիտակցում ենք որ այս թանկացումները ազդելու են կյանքի բոլոր ոլորտների վրա:
Ուսանողներ , ուսուցիչներ, աշակերտներ ու ծնողներ, մտածեք, թե ինչպես եք օգտվելու տրասպորտային միջոցներից, առանց այդ էլ մեր երկրում կրթությունը շատ թանկ արժե, իսկ աշխատանքի դիմաց վարձատրվում ենք աղքատավարձով»։

7or.am