Իսպանիայի թագավորի դուստրը` Ելենան, տուգանվել է առանց համապատասխան փաստաթղթերի տրակտոր վարելու համար: Տեղական «Լոկալ» պարբերականը հաղորդում է, թե արքայադստերը սխալմամբ են տուգանել, իսկ Ելենան տուգանքը վճարելու մտադրություն ունի՞, թե՞ ոչ, պարզ չէ:

Դեպքը տեղի է ունեցել երկրի հյուսիս-արևմուտքում գտնվողՎալյալոլիդ քաղաքում: Ոստիկանությունը կանգնեցրել է տրակտորը և որոշել է ստուգել վարորդի փաստաթղթերը: Վարորդի մոտ անհրաժեշտ փաստաթղթերն չեն եղել, և ոստիկաններից մեկը սկսել է արտագրել նրա տվյալները, մասնավորապես նույնականացման քարտի համարները՝ բաղկացած ութ թվից և մեկ տառից։ Նրա գործընկերը, սակայն, ընդհատել է և ասել, որ պետք է գրել միայն մեքենայի գրանցահամարները։