«Արմենիա Մարիոթ» հյուրանոցի գլխավոր մուտքի առջև Հայ ազգային կոնգրեսի երիտասարդական միության անդամները բողոքի գործողություն են իրականացնում։ Հյուրանոցում ընթանում է ԵԽԽՎ Նախարարների հանձնաժողովի մշտական նիստը, որին մասնակցում է նաև ԵԽԽՎ նախագահ Ժան Կլոդ Մինյոնը։

Բողոքի գործողության մասնակիցները դատապարտում են ՀԱԿ 4 ակտիվիստների գործի, 2008թ. մարտի 1-ի և կեղծված ընտրությունների վերաբերյալ ԵԽԽՎ–ի արձագանքը: Նրանք վստահ են, որ Հայաստանում առկա ամենաթողության, երկրի հանցավոր կառավարման, մարդու հիմնարար իրավունքների ոտնահարման պատճառներից մեկն էլ այդ երևույթների նկատմամբ միջազգային հանրության` տվյալ պարագայում ԵԽԽՎ-ի ոչ համաչափ արձագանքն է։

Բողոքի գործողության մասնակիցները պարզել են «Եկել եք ստեղ, որ ի՞նչ անեք», «Մի հովանավորեք բռնապետին» և այլ գրություններով պաստառներ:

«Արմենիա Մարիոթ» հյուրանոցի շրջակայքը հսկվում է մեծաքանակ ոստիկանների կողմից։

7or.am