«Անօդաչու թռչող սարքեր» մրցույթի եզրափակիչ փուլը կկայանա հունիսի 2-ին՝ ժամը 11:00-ին, Արզնիի ուսումնական օդանավակայանում: Մրցույթին մասնակցում է 5 թիմ: Մասնակիցները նախագծել ու պատրաստել են թռչող այնպիսի սարքեր, որոնք թռիչքի ընթացքում ուսումնասիրում են տարածքը, հասկանում տեղորոշման համար նախատեսված նշանները, առցանց ուղարկում են պատկերները, գտնում հատուկ նշանատեղը, նետում մինչև 300գ բեռ և վերադառնում են մեկնարկային կետ: Ռոբոտի թռիչքը և վայրէջքը կարող է կատարվել թե՛ ինքնակառավարմամբ, թե՛ հեռակառավարմամբ: