Արմավիրի մարզի Դաշտ գյուղի դպրոցի նախկին տնօրեն Գնել Ռոստոմյանը այսօր հրավիրված ասուլիսում հայտարարել է, որ Արմավիրի մարզպետ Աշոտ Ղահրամանյանն իրեն աշխատանքից ազատել է նախագահական ընտրություններում ՀՀԿ–ի համար քիչ ձայն ապահովելու, իսկ խորհրդարանական ընտրություններում՝ ՀՀԿ-ական թեկնածուին չպաշտպանելու մեջ կասկածելու համար։

–Նախագահական ընտրություններում մարզպետը հարցրեց՝ 20 աշխատողներիցդ քանի՞սը ձայն կտան, ասացիի՝ 15-ը։ Ասաց՝ ինչի՞ ոչ բոլորը: Ասացի՝ ո՞նց կարան բոլորը իրենց ձայնը տան ՀՀԿ-ին,-պատմել է դպրոցի նախկին տնօրենը։

Նա հավելել է, որ ստեղծված իրավիճակում ստիպված է օտարերկրյա դեսպանատներից ապաստան խնդրել, քանի որ հայրենիքն իրենն է, բայց այս երկիրն իրենը չէ։

7or.am