ՀՀ ԱԺ ՀՀԿ–ական պատգամավոր, «Ջավախք» հայրենակցական միության նախագահ Շիրակ Թորոսյանը «7օր»–ի հետ զրույցում հերքել է իր՝ Վրաստան մուտք գործելն արգելելու մասին լուրը։

Ինչպես ավելի վաղ տեղեկացրել էինք, վրացական «Грузия Online»–ը գրել էր, որ հուլիսի 14-ին Ախալքալաքի շրջանի Քազախ գյուղում աշուղ Ջիվանուն նվիրված միջոցառմանը պետք է մասնակցեր նաև Շիրակ Թորոսյանը, սակայն նրան արգելել են մուտք գործել Վրաստանի տարածք։

–Թյուրիմացություն է։ Ես նախօրոք հայտարարել էի, որ ցանկություն ունեմ մասնակցելու Ջիվանու տոնին, հետո գործի բերումով չկարողացա գնալ, և հավանաբար այնպիսի տպավորություն է առաջացել, որ եթե չի եկել, կարող է՝ չեն թողել։ Բայց իրականում ես չեմ էլ գնացել,–«7օր»–ին պարզաբանել է Շ. Թորոսյանը։

Նա պնդել է, որ Վրաստանի սահմանը հատելու որևէ խնդիր չունի և մինչ այժմ արդեն 8 անգամ գնացել–եկել է։

Հիշեցնենք՝ այս տարվա փետրվարին Շիրակ Թորոսյանն Ազգային ժողովում հայտարարել էր, որ 4 տարվա ընդմիջումից հետո նոր է վերադարձել հայրենի Ջավախքից, քանի որ Վրաստանի իշխանությունները նրան արգելում էին մուտք գործել երկրի տարածք։

7or.am