13 տարվա համատեղ կյանքից հետո ամուսնալուծվում է Հոլիվուդի աստղային զույգերից մեկը՝ Մայքլ Դուգլասն ու Քեթրին Զետա Ջոնսը։

Ըստ ԶԼՄ-ի՝ ամուսնալուծությունը 68-ամյա Դուգլասին, ով այդ քայլի նախաձեռնողն է, կարժենա 300 մլն դոլար։ Հայտնվում է, որ դերասանը հոգնել է կնոջ հոգեկան խնդիրներից և երազում է միայն «դժոխային կյանքի» ավարտի մասին։

Միաժամանակ նշվում է, որ 43-ամյա Զետա Ջոնսը նույնպես իր պատճառներն է ունեցել ամուսնալուծության համար։ 2010թ. ապրիլին Մայքլ Դուգլասի որդին դատապարտվել էր 5 տարվա ազատազրկման թմրանյութերի վաճառքի համար։ Իսկ դերասանը միայն վերջերս է ապաքինվել կոկորդի քաղցկեղից։