Ֆրանսիայում մայիսի վերջին միասեռ ամուսնությունների վերաբերյալ ընդունված օրենքը շարունակում է մնալ ամենաքննարկվող թեմաներից մեկը։ Բոլոր ֆրանսիացիները չէ, որ միատեսակ են վերաբերվում այն փաստին, որ, համաձայն օրենքի, Ֆրանսիայում միասեռ ամուսինները կարող են երեխաներ որդեգրել: Մասնավորապես ֆրանսիացի հայտնի դերասան Ալեն Դելոնը տեղական ռադիոընկերություններից մեկին տված հարցազրույցում ասել է. «Կներե՛ք, սակայն սա բնությանը դեմ է: Մենք ծնվել ենք կանանց սիրելու համար, այլ ոչ թե տղամարդկանց հետ հանդիպելու: Փորձում եմ լինել հանդուրժող և ոչինչ չեմ ասում միասեռ ամուսնությունների մասին, սակայն կարծում եմ՝այդպիսի զույգերը չպետք է երեխա որդեգրեն»:

Թեև դերասանի կարծիքը վատ է ընդունել հակառակ կողմը, սակայն Դելոնն ընդգծել է, որ ունի սեփական խոսքի իրավունքը: