Թուրքիայի հետ սահմանամերձ գոտում քրդերն օգնում են Ասադին՝ այդ տարածքներից դուրս մղելով նրա դեմ պայքարող ահաբեկիչներին:

Քրդական ինքնապաշտպանական ուժերին հաջողվել է թուրք-սիրիական սահմանի Յարուբիա անցակետի մոտ մի քանի ահաբեկչական խմբավորումներ ոչնչացնել: Այս մասին հայտնում է «Քրդական ժողովրդավարական միության» աղբյուրը։ Մինչ այդ սիրիացի քրդերին հաջողվել էր վերահսկողություն հաստատել մեկ այլ սահմանային անցակետի` Ռաս Այ-Այնի նկատմամբ:

Սիրիական սահմանամերձ Թել-Քուջեր քաղաքի բնակչությունը մշտապես ահաբեկչությունների թիրախ էր Ջեբհաթ Ան-նուսրայի, Իրաքի և Լևանտի իսլամական պետության գրոհայինների համար։

Տեղի ունեցած մարտերի ընթացքում սպանվել և վիրավորվել են տասնյակ վարձկան ահաբեկիչներ, ոչնչացվել է նաև նրանց պատկանող ռազմական տեխնիկան: