ԵՄ-ի ներկայացիչների համոզմամբ Հայաստան-ԵՄ վիզաների դյուրացումից կշահեն Հայաստանի քաղաքացիները, ովքեր կկարողանան հեշտացված կարգով մուտք գործել շենգեն գոտի, սակայն ԳՏՀՎԿ-ի վարչության նախագահ, քաղաքագետ Ստեփան Գրիգորյանի պնդմամբ մեր հասարակության մեջ կա տարակարծություն և շատերը վիզաի դյուրացում ասելով մտածում են, որ առանց մուտքի վիզայի կարող են գնալ ԵՄ: «Վիզաների դյուրացում չի նշանակում առանց մուտքի վիզայի գնալ Եվրոպական Միություն»,- ասաց Ստեփան Գրիգորյանն ու հավելեց, որ վիզաների դյուրացման արդյունքում Հայաստանի քաղաքացիների մի խումբ, որն է` լրագրողներ, գիտնականներ, դիվանագետներ, սպորտի, արվեստի և այլ ոլորտների ներկայացուցիչներ, հեշտացված կագով կստանան ԵՄ մուտք գործելու արտոնագիր նախկին 60 եվրոյի փոխարեն արդեն 35 եվրոյով:

Վիզաների դյուրացման հետ միասին Հայաստանի խորհրդարանը պետք է հավանություն տա դեռևս 2012 թվականի դեկտեմբերին ԵՄ-ի հետ ստորագրած համաձայնագրի կյանքի կոչմանը, որը ներառում է նաև ռեադմիսիայի (արտահանձման) համաձայանգիրը, որը ընթադրում է, որ Հայաստանն իր միջոցների հաշվին (պետբյուջեյի) պետք էԵՄ-ից ետ վերադարձնի իր այն քաղաքացիներին, ովքեր անօրինական կերպով գտնվում են ԵՄ-ում:

Այս հարցի վերաբերյալ «Քաղաքացիական զարթունք» ՀԿ-ի նախագահ Տիրայր Մուրադյանը ԵՄ Խորհրդատվական խմբի միգրացիոն ոլորտի խորհրդատու Էլեոնորա Վեգեերից հետաքրքրվեց, թե Հայաստանի այն քաղաքացիները, որոնք անօրինակն կերպով են գտնվում ԵՄ-ում նրանց Հայաստան արտահանձնումից հետո հնարավորություն կտրվի՞ կրկին այցելել Եվրոպա:

Էլեոնորա Վեգեերը պատասխանելով հարցին նշեց, որ իհարկե կարող են կրկին դիմել դեպանատուն և փորձեն ստանալ մուտքի արտոնագիր, սակայն Հայաստանի այդ քաղաքացիները առնվացն կես տարի պետք է սպասեն, քանի որ յուրաքանչյուր նման դեպք քաղաքացու կյանքում հետք է թողնում և հյուպատոսարանը հարցում է իրականացնում ու տեսնում, որ նա ժամանակին ապօրինի ներգաղթյալ է եղել և հնարավոր է շուտ դիմելու պարագայում չստանա մուտքի արտոնագիր:

Նշենք, որ ՀՀ ԱԺ-ում առաջիկա քառօրյայում քվեարկության կդրվի վիզաների դյուրացման և ռեադմիսիայի համաձայանագիրը, որը ԵՄ խորհրդարանն արդեն այս ամսի 9-ին հաստատել է: