Քաղաքական

13.11.2013 18:54


Տ. Ուրիխանյան. «Վարչապետի պահվածքի գնահատականը թող հանրությունը տա» (տեսանյութ)

Տ. Ուրիխանյան. «Վարչապետի պահվածքի գնահատականը թող հանրությունը տա» (տեսանյութ)

2014թ. պետական բյուջեով նախատեսված է վարչական շենքերի տանիքների և ֆասադների վերանորոգման համար 200մլն դրամ հատկացնել։ ՀՀ ԱԺ ԲՀԿ–ական պատգամավոր Տիգրան Ուրիխանյանն այսօր կառավարությունից հետաքրքվել է.

–Օ՜ կառավարություն, հարց եմ ուզում տալ, միթե՞ հնարավոր չէ տանիքների ու ֆասադների վերանորգումը հետաձգել և այդ 200մլն դրամը հատկացնել սահմանամերձ շրջանների մանկապարտեզներին, պոլիկլինիկաներին և կրթական հաստատություններին։

Մոտենալով ամբիոնին՝ վարչապետն ընդամենը ասել է՝ հնարավո՛ր է։

Տ. Սարգսյանի այդ մեկբառանոց պատասխանից անակնկալի գալով՝ Տ. Ուրիխանյանը փորձել է հստակեցնել.

–Կհանե՞ք այդ գումարները, որպեսզի Վահան գյուղի դպրոցը, Չարբախի պոլիկլինիկան,Արարատի հանրակրթական դպրոցը վերանարոգվեն այս տարվա բյուջեով։

Այս անգամ Տիգրան Սարգսյանը երկար դադար է վերցրել, իսկ հետո արտաբերել միայն.

–Ավարտեցի՞ք։ Ո՛չ։

Տ. Սարգսյանի այս պահվածքը «7օր»–ի հետ զրույցում, Տ. Ուրիխանյանը չի ցանկացել մեկնաբանել։

–Անկեղծ ասած, ուզում եմ հանրությունը կարդա և գնահատական տա նրա պահվածքին,–ասել է ԲՀԿ–ական պատգամավորը։

7or.am

Այս խորագրի վերջին նյութերը