Ուկրաինայի նախագահ Վիկտոր Յանուկովիչը չի պատրաստվում ուժի գործադրմամբ ցրել այնտեղ սկսված զանգվածային ցույցերը։ Նա վստահեցրել է, որ թեև ինքը «մայդանների» կողմնակից չէ, բայց և ցուցարարների անվտանգությանը ոչինչ չի սպառնում։ Ուկրաինայի նախագահը միայն ընդգծել է, որ եթե խախտվի օրենքը, այդ ժամանակ արդեն իրավապահները կկատարեն իրենց պարտականությունը։

Ինչ վերաբերում է Ուկրաինայի նախկին վարչապետ Յուլյա Տիմոշենկոյին, Յանուկովիչը հայտարարել է, որ նա ազատ կարձակվի միայն, երբ կփոխհատուցի Ուկրաինայի բյուջեին հասցրած ողջ վնասը։

«Հանցա՞նք ես գործել, ուրեմն վճարի՛ր և խնդրի՛ր կամ պահանջի՛ր, որ քեզ ազատ արձակեն»,-նշել է Յանուկովիչը՝ ավելացնելով, որ նրա անմեղությունը կամ մեղավորությունը կորոշի դատարանը։

7or.am