Սերժ Սարգսյան. «Անկեղծորեն ասած, ես շատ դեպքերում անհարմար եմ զգում, ամաչում եմ»

● Քաղաքական

14.12.2013 ● 00:28

Սերժ Սարգսյան. «Անկեղծորեն ասած, ես շատ դեպքերում անհարմար եմ զգում, ամաչում եմ»

Սերժ Սարգսյանը երեկ այցելել է Էկոնոմիկայի նախարարություն: Նա խոսել է Էկոնոմիկայի նախարարության առջև դրված խնդիրների և առաջնահերթությունների մասին.

«Եթե ընդհանրացնելու լինենք մեր խնդիրները, ապա պետք է ասեմ, որ գործունեության նոր և շատ լայն դաշտ է բացվել, որտեղ ես ակնկալում եմ ակտիվ, հետևողական ու խորաթափանց աշխատանք: Հատուկ ընդգծում եմ այդ բառերը, որովհետև, իրոք, աշխատանքի այս որակները մեզ համար անհրաժեշտություն են՝ կապված Մաքսային միությանը մեր անդամակցության հետ: Եվ այստեղ բոլորս պետք է գիտակցենք այն պատասխանատվությունը, որ մենք վերցրել ենք մեզ վրա»,-ընդգծել է Սերժ Սարգսյանը:

Նա նաև պատասխանել է նաև խորհրդակցության մասնակիցներին հետաքրքրող հարցերին: Մասնավորապես, ներկայացնելով լայն քննարկումների առիթ դարձած կենսաթոշակային բարեփոխումների ծրագրի շուրջ սկսված գործընթացի մասին իր տեսակետը՝ Սերժ Սարգսյանն ասել է.

«Գիտեք, այդ խնդրով ես տևական ժամանակ անձամբ եմ զբաղվել և ժամանակին մի քանի խորհրդակցություններ եմ անցկացրել, այդ թվում նաև՝ Ազգային ժողովում ընդգրկված քաղաքական ուժերի ներկայացուցիչների հետ, կոնկրետ՝ առնվազն 4 խմբակցությունների, կուսակցությունների ղեկավարների մասնակցությամբ: Նպատակը եղել է, որպեսզի մենք կարողանանք զգալ բոլոր խնդիրները, որ կարող են առաջանալ՝ քաղաքականից մինչև տնտեսական, ֆինանսական, և ունենալով այդ համոզմունքը՝ մենք փաստաթղթին տվել ենք օրենքի նախագծի տեսք, ուղարկել ենք Ազգային ժողով և, փառք Աստծո, արդեն ունենք քվեարկված օրենք, որին իմ վերաբերմունքը դրական է: Ես ամեն օր լսում եմ տարբեր կարծիքներ, ընդ որում՝ այդ կարծիքները շատ հեշտությամբ կարելի է բաժանել քաղաքական և մասնագիտական տեսակների. և՛ քաղաքականում, և՛ մասնագիտականում մշտապես առկա է և՛ մակերեսայնություն, և՛ բավականին խորքային մոտեցում: Կուզենայի, որպեսզի բոլոր նրանք, որոնք համարում են այս բարեփոխումը օգտակար, շատ ավելի ակտիվ լինեին: Վերջիվերջո, ի՞նչ ենք մենք ուզում. մենք ուզում ենք, որպեսզի այսպիսի վատ վիճակ չլինի, ինչպիսին այսօր է՝ տարեց մարդկանց սոցիալական ապահովության հետ կապված: Անկեղծորեն ասած, ես շատ դեպքերում անհարմար եմ զգում, ամաչում եմ և նույնիսկ կարծում եմ՝ տեղն է, ժամանակն է ներողություն խնդրելու այդ մարդկանցից: Եվ որպեսզի ներողություն չխնդրեն ապագա պետական պաշտոնյաները, մենք այս խնդիրը պետք է լուծենք: Ես սա ասում եմ նրա համար, որպեսզի սա նաև լսելի լինի բոլոր այն պետական պաշտոնյաներին, ովքեր կարող էին այս խնդիրը լուծել տարիներ առաջ: Մենք հիմա ստիպված չէինք լինի ներողություն խնդրելու: Հեքիաթներ են հնարել՝ սերունդների համերաշխությամբ տարիներով, տասնամյակներով եղած համակարգը ջարդում են: Ո՞վ է ասել, որ ջարդում են: Այդ համակարգը մնալու է: Մենք ասում ենք՝ լրացուցիչ սա էլ ենք ուզում: Շատ դրական եմ գնահատում, և բոլոր նրանք, ովքեր դրական մոտեցում ունեն, շատ ակտիվ պետք է լինեն»,-ասել է Սերժ Սարգսյանը:

7or.am

● Այս խորագրի վերջին նյութերը

Միջազգային զեկույց՝ Հայաստանում պաշտոնյաների կոռուպցիայի մասին

18.04.2024 ● 14:37

Գնալով ավելի շատ կասկածներ է առաջացնում կոռուպցիայի դեմ պայքարի կառավարության շահագրգռվածության և մտադրության վերաբերյալ։

Ավինյանը փաստացի քաղաքապետի իր կերպարն օգտագործեց ընտրություններում իր շանսերը մեծացնելու համար․ Freedom House

18.04.2024 ● 14:18

Նրա պաշտոնավարումը որպես փոխքաղաքապետ խնդրահարույց էր տեղական դիտորդների կողմից նկատված գործոնների՝ այդ թվում դատավարական գործընթացների խախտումների և պաշտոնների անհամատեղելիության պատճառով:

Էրդողանն արդեն շփվում է հայ հասարակության հետ (տեսանյութ)

18.04.2024 ● 13:53

Պատմաբանների հանձնաժողովը քննարկելու է ոչ թե ցեղասպանության փաստը, այլ Հայաստանի Հանրապետության գոյության օրինականությունը։

Հայաստանը գործիք է Արևմուտքի համար, որի միջոցով մեծ հրդեհ են ցանկանում ստեղծել (տեսանյութ)

18.04.2024 ● 13:52

Երևանին փաթեթել են ԵՄ-ի և ԱՄՆ-ի ներկայացուցիչները՝ ապրիլի հինգին Բրյուսելում կայացած բարձր մակարդակի հանդիպմանը։

ՀՀ ոստիկանության համար նամազը դարձել է պարտադիր. թուրքերը բացահայտ են խաղում (տեսանյութ)

18.04.2024 ● 12:16

politik.am-ի տաղավարում հյուրընկալվել է «Մայր Հայաստան» դաշինքի ներկայացուցիչ Սոնա Աղեկյանը։

Սամվել Վարդանյանի նկատմամբ խափանման միջոց է ընտրվել տնային կալանքը

18.04.2024 ● 07:21

Վարդանյանի նկատմամբ դատարանը կիրառել է նաև 7 միլիոն դրամ գրավ։

Ավինյանը փաստացի քաղաքապետի իր կերպարն օգտագործեց ընտրություններում իր շանսերը մեծացնելու համար․ Freedom House

Էրդողանն արդեն շփվում է հայ հասարակության հետ (տեսանյութ)

ՀՀ ոստիկանության համար նամազը դարձել է պարտադիր. թուրքերը բացահայտ են խաղում (տեսանյութ)

● Քաղաքական