Հունվարի 1-ին, ժամը 00.20-ին, հիվանդանոցից ոստիկանության Արմավիրի բաժնում հաղորդում է ստացվել, որ ձեռնաթաթի բազմաթիվ պատռված վերքերով իրենց մոտ բուժօգնության է  տեղափոխվել 1998 թ. ծնված Արգամ Գ.-ն:

Ոստիկանները պարզել են, որ տղան վնասվածքներն ստացել է նույն օրը, ժամը 00.05-ի սահմաններում, տան բակում չինական արտադրության ճայթիչը վառելիս՝ պայթյունի հետևանքով:

Նույն օրը, ժամը 04.05-ին, հիվանդանոցից նույն բաժնում հաղորդում է ստացվել, որ ակնագնդի սալջարդով և քթի քերծվածքներով իրենց մոտ բուժօգնության է տեղափոխվել 1971 թ. ծնված Գուրգեն Ա.-ն:

Պարզվել է, որ նա վնասվածքներն ստացել է նույն օրը, ժամը 03.30-ի սահմաններում, տան բակում՝ ճայթիչի պայթյունի հետևանքով:

Կատարվում է քննություն: