Սոցիալական ապահովության պետական ծառայության նախկին պետ Վազգեն Խաչիկյանի ու մյուսների գործով այսօրվա դատական նիստը հետաձգվեց՝ մեղադրող դատախազների բացակայության պատճառով: Այս մասին տեղեկացնում է pastinfo.am–ը։ Ընդ որում, այս գործը նորանշանակ դատավոր Մեսրոպ Մակյանին մակագրվելուց հետո, դատախազների բացակայության պատճառով արդեն երկրոդ անգամ է հետաձգվում նիստը:

Մեղադրող դատախազ Հովհաննես Ենոքյանը դատարանին տեղեկացրել է, որ նիստին չներկայանալու պատճառը՝ աշխատանքային ծանրաբեռնվածությունն է: Նկատի ունենալով, որ մեղադրողի բացակայության պայմաններում գործի քննություն անհնար է, դատական նիստը հետաձգվեց և նշանակվեց փետրվարի 6-ին:

Դատական նիստի ավարտին դահլիճում ներկա ամբաստանյալ Վահագն Խաչատրյանի հայրը իր վրդովմունքը հայտնեց նիստը հետաձգվելու կապակցությամբ՝ ասելով, որ նիստն արդեն մեկ տարի է ընթանում է, սկզբում դատավորը փոխվեց, իսկ հիմա էլ դատախազները չեն ներկայանում:

Մանրամասները՝ pastinfo.am–ում։