Ադրբեջանի նախագահ Իլհամ Ալիևը նախօրեին Դավոսում հանդիպել է ԵԱՀԿ նախագահող, Շվեյցարիայի ԱԳ նախարար Դիդիե Բուրկհալթերի հետ։ Ադրբեջանական «АПА» գործակալության փոխանցմամբ՝ կողմերը քննարկել են Ադրբեջանի և Շվեյցարիայի հարաբերությունների զարգացմանն առնչվող հարցեր։

Կարծիքներ են փոխանակվել հայ-ադրբեջանական հարաբերությունների ներկայիս վիճակի և Լեռնային Ղարաբաղի հակամարտության վերաբերյալ:

Դավոսում Ալիևը հանդիպել է նաև Իրանի Իսլամական Հանրապետության նախագահ Հասան Ռոուհանիի հետ։

Կողմերն ընդգծել են, որ այդ երկու երկրներին միավորում են պատմամշակութային արմատները, ներկայում էլ բարիդրացիական հարաբերությունները զարգացնելու բոլոր նախադրյալները կան։

7or.am