Թուրքիայի վարչապետ Ռեջեփ Թայիբ Էրդողանի դուստրը՝ Սումեյա Էրդողանը, հայտնվել է կոռուպցիոն սկանդալում։ Թուրքական լրատվամիջոցները հայտնում են, որ իրավապահների ձեռքին Սումեյա Էրդողանի և գործարար Մուսթաֆա Լյաթիֆ Թոփբաշի հեռախոսազրույցները կան։ Գործարարը վարչապետի դստերը դժգոհել է, որ Իզմիրի նահանգապետ Ջահիթ Քիրաջն ապօրինի է ճանաչել այնտեղ իր կառուցած 8 առանձնատները և պահանջել է դրանք ապամոնտաժել։

Սումեյա Էրդողանի հետ այս խոսակցությունից հետոո նահանգապետը պաշտոնանկ է արվել։

Հեռախոսազրույցներից պարզ է դառնում նաև, որ Էրդողանի դուստրը գործարարից երկու առանձնատուն է նվեր ստացել։

Հիշեցնենք, որ վերջերս կոռուպցիոն սկանդալի մեջ էին հայտնվել նաև Էրդողանի որդիները։

7or.am